HALAPAD nga pagpananom ug pagpatubo sa kakahoyan maoy tambal sa na­ngaopaw nga kabukiran. Himoon matag kataposang Sabado sa Hunyo. Karon maoy ika-upat ka tuig sakay sa Run 2 Plant 4 Greenin Phil. nga gilusad sa Ramon Aboitiz Foundation (RAFI).

Nakighiusa ang lalawigan sa Sugbo ug gilambigit sa kampanya sa DILG nga Billion Trees Program ug DENR nga National Greening Program. Gamot sa kahoy mosanta sa pagdahili sa yuta. Landong nga magpabilin ang kaabunda sa tubig. Dahon maoy mosuyop sa carbon dioxide nga naglatagaw sa kawanangan. Puy-anan sa mga mananap ug batoganan sa mga langgam. Gidili na ang pag­tanom sa germilina ug mahogany kay kusog mosu­yop sa tinubdan. Sa libro sa Rafi dunay 101 ka mga lumad nga kahoy nga gisugyot nga maoy ipatanom.

Tambal nga dili magama mao ang dugo. Maoy tema sa Hulyo isip Blood Donation Month.

Bayani ang modonar og dugo kay makaluwas og kinabuhi ilabina sa matakboyan og dengue.

Lalim ba diay nga inig kapusa sa usa ka larva moabot og 1,635,000 ka mga lamok. Laing gikabalak-an mao ang Merscov nga 175 na ang patay sa Saudi Arabia diin kagaw sa kamelyo mitapon sa tawo. Mananakod usab ang Sars, Avian Influenza ug Ebola.

(csa_1156@yahoo.com/0905-250-4643)