DUMAGUETE CITY - Patay ang usa ka batan-ong lalake human magpusil sa iyang kaugalingon gamit ang service firearm sa iyang amahan nga usa ka security guard nga nahitabo niadtong miaging adlaw sa Purok Salampati Barangay Pulantubig ning dakbayan.

Giila ang biktima nga si Everjune Anero, 22, ulitawo ug mulupyo sa naasoyng dapit.

Sumala pa nga usa ka tawag sa telepono ang nadawat sa kapulisan sa Dumaguete gikan sa inahan nga si Eva Anero nga naghunos sa kinabuhi sa iyang anak.

Ang sakop sa kapulisan sa Dumaguete pinaagi niadto gilayon sa lugar nga nahitaboan kuyog ang mga sakop sa Scene of the Crime Operatives (SOCO).

Inisyal nga imbestigasyon napamatud-an nga ang amahan sa biktima nga usa ka security guard nga si Ernesto Anero ubos sa Solid Forces Scurity General Services ang niuli sa ilang balay alas 6:10 sa buntag ug ang iyang armas nga kalibre 38 nga service firearm diha kini gibutang sa ilawom sa kutson sa iyang higdaanan gumikan kay lock ang cabinet nga maoy lagmit butangan sa iyang armas.

Human niini, nigawas kini sa iyang balay ug nagpakaon sa manok binuhi nianang pagka alas 8:00 sa buntag unya ang iyang laing anak nga si Ernest Anero nisulti nga nakadungog siyag buto apan gibaliwala lang kini sa amahan sa pagtuo nga prutas lang ang nahug sa ilang atop.

Ang amahan nikuyog sa laing anak sa eskuwelahan aron sa pagpa-enroll niini.

Nianang hapon, sa pagbalik sa ilang balay ug dihang misud sa iyang lawak mao nalay iyang nakurat nga wa na iyang armas.

Nisuway kini sa pagsud sa kuwarto sa iyang anak apan sirado kini ug na-lock iya nalang kining gipugos sa pagsud ug mao nalay iyang nakita nga iyang anak nga nagkadugo na ug wa nay kinabuhi ug ang iyang armas diha na sa kilid sa iyang anak.

Ang naghikog diha kini maigo sa iyang tuong bahin sa kilay ug milapos kini sa pikas bahin sa ulo niini hinungdan sa iyang hinanaling kamatayon.

Gidudahan sa ginikanan nga ang uyab niini maoy posibleng hi­nungdan sa pagkutlo sa iyang kina­buhi nga miadto na kini sa Ma­nila diin sa bag-ohay pa makon­tak na kini apan nagkadugay di na kini makontak.

Karong bag-o gitawagan kini apan lalake na ang motubag nga nagpasabot nga duna nay bag-ong hinigugma ang iyang uyab.

Gani, nagbilin pa kinig suicide note nga gisuwat kini sa pipila ka mga pahina diin nagkanayon nga di ipahibawo sa mga barkada ang iyang gidangatan.

Naghisgot ang suwat nga kon makabasa kii patay na siya ug daghan siya masulti apan di niya mapagawas. (LEJ)