PILDERO sa duwa nga hantak, ang nanigbas sa iyang silingan pasado alas 2:00 sa kaadlawon sa Sityo Kamparong, Barangay Kalunasan, dakbayan sa Subo.

Ang natigbasan ma­ka­duha sa bukobuko ug ulo mao si Nino Mark Anthony Gador, 31, panday ug nagpuyo sa maong lugar.

Gitumbok nga nitigbas mao si Ian Jayme, 30, ug usa ka laborer.

Sa imbestigasyon ni SPO1 Ruth Violango ug kaubanan sa Homicide Section nagbutyag nga nagduwa og hantak ang biktima ug ang suspek uban sa ilang mga higala.

Atol sa ilang duwa, magsigi og ka pilde ang suspetsado, hangtud nga nakakita nkini ug lalis sa biktima uban sa iyang kaduwa.

Nilakaw ang suspetsado mipauli ngadto sa ilang panimalay ug wa magdugay mibalik nga may dala nga sundang.

Pagkakita sa biktima, mikuha kini og bato ug gibato ang suspek apan wa maigo hangtod nga nanigbas kini ngadto sa biktima ug nisibat.