Del Mar miawhag ni Radaza nga pagkuha sa estatuwa tun-an

NIHANGYO si Cebu City Rep. Raul del Mar (north district) nga tun-an una og maayo ang plano pagbalhin sa higanteng rebulto ni Datu Lapulapu gikan sa Luneta Park ngadto sa iyang yutang natawhan sa dakbayan sa Lapu-Lapu.

Si del Mar, ang usa sa duha ka mga magbabalaod nga niawhag sa Office of the President niadtong 2004 nga magbutang og estatuwa ni Lapu-Lapu sa Rizal Park sa Manila, nipasabot nga ang orihinal nga intensiyon paghatag og pasidungog ni Lapulapu isip maoy labing unang tigpanalipod sa kagawasan sa nasod di lamang kutob sa Lapu-Lapu City kondili, apil usab sa ubang mga lugar sa Pilipinas.

Siya niingon nga ang Rizal Park sa Luneta maoy dagsaan sa daghang mga turista nga gikan sa ubang bahin sa nasod ug mga langyaw.

Ang kongresista nagkanayon nga base sa ilang hangyo nga nalatid sa resolution sa Kongreso, ang Rizal Park sa Agrifina Circle sa Luneta maoy haom nga dapit alang sa paghatag og pasidungog ni Lapu-Lapu ug di lamang limitado sa dakbayan sa Lapu-Lapu.

Si del Mar namaha­yag nga ang pagbalhin sa rebulto sa Sugbuanong bayani gikan sa Manila makawala sa iyang “highly visible symbol of recognition” isip usa ka national public figure sa kasaysayan sa nasod.

Matod niya nga igo na ang gihatag nga pasidungog ug pagdayeg kang Lapulapu sa Sugbo labi na ang Lapu-Lapu City gipangalan gikan niya ug adunay gipatukod nga estatuwa niini sa dapit sa Battle of Mactan sa Liberty Shrine.

Gawas niini, matag tuig gisaulog ang ka­daogan sa Mactan nga gi­tambungan ug gisaksihan sa mga langyaw ug lokal nga mga bisita.

“If Lapu-Lapu City however still needs another statue of Lapu-Lapu at Datu Magal area in Barangay Punta Engaña, it can raise funds for the statue without taking away Lapulapu’s presence at the center of Metro Manila. But where would Lapulapu be honored: its planned site, in a barangay in Mactan or at its present site,Rizal Park in Manila?” kwesityon sa kongresista.

Siya nidugang nga ka­wad-on sa Sugbo ug Lapu-Lapu City kon ibalhin ang rebulto gikan sa kasamtangan nga gibarogan niini sa Rizal Park bisan og ang mga nasodnong ahensiya ang mogasto alang sa pagbalhin niini.

Si Lapu-Lapu City Ma­yor Paz Radaza unang ni­pahibawo nga ang Depart­ment of Tourism ang mo­­a­baga og P15 milyones a­lang sa pagbiyahe sa 40-foot brass nga rebulto ni Da­tu Lapulapu gikan sa Ma­nila paingon sa dakba­yan.

Ang rebulto gidonar sa Korean Freedom Lea­gue ngadto sa kagamhanan sa Pilipinas niadtong 2004.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph