NINDOT nga away ang masaksihan karon sa Boxing Revolution 1 tali nila kanhi World Boxing Council (WBC) flyweight champion Sonny Boy Jaro ug Indonesian fighter Ichal Tobida sa main event, alas 6 sa gabii didto sa Davao City Recreation Center.
Dako ang pagsalig ni Sonshine Sports Management, Inc. chief executive officer Manny Pi¤ol nga modaug ang Pinoy batok sa langyaw nga boksidor.
"We're expecting they were prevail but boxing is full of suprises but exciting kagaya ni Manny Pacquaio sino ang mag-akala na manalo sa kanya si Marquez," tubag ni Pi¤ol atol sa pakighinabi kaniya kagahapon didto sa Barrio Fiesta, SM Lanang Premier.
Samtang andam na sab si Jaro sa pakigbugno niya karon sa ring ug maningkamot nga mapatumba dayon ang kalaban sa maong boxing series nga gipresenta ni evangelist Pastor Apollo C. Quiboloy's sports management team, "If makuha ang 1st round maayo kay mahuman dayon ang away."
Tubag sab ni Tobida pinaagi sa iyang Manager Erik Irawan isip interpreter sa gisulti ni Jaro nga palisdan niya og maayo ang Pinoy boksidor, "He want to make Sonny difficult."
Mas bug-at og timbang si Jaro og usa ka pulgada nga mitala og 118lbs samtang 117lbs si Tobida alang sa Asia Boxing Federation (ABF) Superflyweight Championship.
Gawas nila Jaro ug Tobida, makita sab ang away nila kampeyon Adonis Cabalquinto sa Davao del Norte ug challenger Giovane Rota sa Laguna alang sa Philippine Junior Welterweight championship ug kanhi WBO Oriental Champion Lorenzo "Thunderbolt" Villanueva sa Midsayap, North Cotabato kontra kanhi WBC Intercontinental champion ug WBA Asia Champion Hendrik Barongsay sa Jakarta, Indonesia. (Marizz S. Robilla)