USA ka sales man ang gitulis sa wa mailhing tawo alas 11:30 sa buntag niadtong Miyerkules didto sa NHA, Barangay Maa, siyudad sa Davao.
Ang biktima mao si Frederick Larosa, 33, minyo, salesman sa Rosabaya Distributors Inc., nagpuyo sa Block 5, Lot 23, Phase 2, Bista Verdce, Barangay Panacan.
Base sa blotter sa Talomo Police Station, ang biktima mobiya na unta sa Hero Mini Mart sa Block 6 sa maong barangay sakay sa delivery van nga dunay plate number XMV-397, apan kalit siyang giduol sa tawo nga dunay pistola.
Tungod kay gitionan ang biktima sa iyang liog, napugos siyang ihatag ang koleksyon nga P10-mil.
Human natangag sa tulisan ang salapi, dali siyang misakay sa motorsiklo nga walay plaka paingon sa wala masayri nga lugar.
Ang hitabo giimbestigahan na sa kapulisan sa pamasin nga mailhan ug masikop ang tulisan. (AD)