NAGPING-IT sa kasakit ang usa ka gikatahapang drug pusher human napusilan sa kapulisan sa dihang nisuway pagsukol sa mga operatiba nga mipahigayon og buy bust operation.
Wa na mokompiyansa ang kapulisan sa higayon nga mopahigayon og drug raid o buy bust operation ilabi na nga gikatahong armed and dangerous ang subject.
Si Bebot Taneo-Godinez, 44, way trabaho, minyo, taga Sityo Datag, barangay Maribago, dakbayan sa Lapu-Lapu, gihulagway nga druglord sa dapit.
Ang mga operatiba nga gilangkuban sa City Anti-Illegal Drugs Special Operations Task Group (CAIDSOTG) nipahigayon og buy-bust operation niadtong Miyerkules sa alas 11:00 sa gabii batok kang Godinez sa iyang gipuy-an.
Sa dihang nakompleto ang transaction tali ni Godinez ug sa police poseur buyer ug dihang nipa-ila nga puli, dali nga nibunot sa iyang armas si Godinez dayong punting ngadto pulis.
Apan ang back-up sa poseur buyer abtik nga mitira kang Godinez hinungdan nga na-igo sa iyang walang bukton.
Ang mga pulis nakahipos og 36 ka gagmay nga mga pakete nga dunay sulod nga gituohang shabu, usa ka bulto nga gibana-bana nga adunay kinatibuk-ang kantidad nga moabot og P40,000, wa pay labot sa dul-an sa P1,500 cash nga gidudahang halin sa ilegal nga drugas, gikan sa posisyon sa dinakpan.
Nakuha usab ang .45 caiber Colt pistol nga adunay unom ka mga bala ug motorsiklo nga gipanag-iya sa subject.