Barrita: Medical marijuana

GIDILI ang paghit­­hit og marijuana u­­bos sa Republic Act No. 9165, ang Comprehensive Dangerous Act of 2002. Apan adunay mga pagtuon nga nagpamita nga ang marijuana maayong tambal sa pipila ka mga sakit ug balatian.

Mao kini ang hinungdan nga gipasar sa House committee on health ang giproponer nga balaudnon nga giatawag og Compassionate Medical. Si Isabela Rep. Rodolfo Albano III, ang nangamahan sa maong balaudnon namahayag nga ang marijuana mahimong gamiton sa pagkontrolar sa epeliptic seizures kon patol, makapahupay sa kasakit sa mga tawo nga nag-antos sa multiple sclerosis ug arthritis ingon man niadton adunay cancer.

Sa ubang mga nasod, ilabi na sa Estados Unidos sa Amerika, gitugotan ang medical marijuana sa pipila ka mga estado. Gani, duna na may mga estado nga nagtugot sa recreational marijuana. Tungod niini dunay mgacestado nga nikita og binilyon tungod sa pagtanom og marijuana.

Apan mapasar kaha sa Kongreso ang balaudnon mahitungod sa medical marijuana? Si Senate Majority Leader Vicente Sotto III, kanhi chairman sa Dangerous Drugs Board, ningon nga way plano ang Senado sa pagpasar sa usa ka medical marijuana bill.

Namahayag si Sotto nga babagan ug supakon niya ang usa ka medical marijuana bill sa Senado kon duna man gani. Hangtod karon wa pay balaudnon nga gipasaka sa Senado mahitungod sa medical marijuana.

Nabalaka si Sotto nga ang balaudnon sa medical marijuana maoy mag-abli sa ganghaan sa legal nga paggamit sa marijuana dinhi sa Pilipinas.

Apan namahayag siya nga ilang tun-ang maong balaudnon lakip na ingon man kon kinahanglan bang amendahan ang compassionate use provision sa Comprehensive Dangerous Drugs Act. (edbarrita@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph