MOABOT sa kinatibuk-ang 67 pribado ug publikong elementarya ug sekondarya nga eskuwelahan ang moapil sa Emcor Inter-School Chess tournament sa Hulyo 12 ug 19 didto sa Emcor sa dalang J.P. Laurel Avenue.

Gipahayag ni National Master ug tournament director Prospero "Bebot" Cruz nga ang torneyo usa ka seven-round Swiss System format chessfest nga dulaon ug indibiduwal ug tim kategory.

Dugang niya kompirmadong apil si Davao City's woman candidate master (WCM) Ella Grace Moulic sa kompetisyon nga mopresenta sa Holy Cross of Davao College.

Samtang abli hangtud karon ang gustong moapil diin magpasa lang og requirements sa Emcor Bajada una ang Hulyo.

Alang sa team category, matag tim dunay duha ka lalaki ug babaye sa parehong elementarya ug sekondarya.

Ang kampeyon mouli og tropeyo, medalya alang sa mga estudyante ug plaques alang sa eskuwelahan ug merchandise nga premyo.

Modepensa og titulo ang Davao Central College of Toril (elementary girls), Holy Cross of Davao College (High School boys), ug Davao Central College of Toril (High School girls) sa torneyo. Marizz S. Robilla