KINING atong lindog usahay nahimo usab nga dangpanan sa mga tawo nga adunay mga lihitimong reklamo ug mga yango-ngo batok sa mga ahensiya sa kagamhanan. Ug kumo ania lagi kita sa isyo publiko isip taga media, ato usab nga aksiyonan ang maong mga reklamo sama aning akong nadawat gikan sa usa ka ginikanan nga taga Compostela.

Dear Sir Bobby,

Ako si Robert Israel, 44, taga Compostela, Cebu, usa sa parents sa istudyante sa Grade 1 Science Tech, Compostela Central School, Poblacion, Compostela, Cebu.

Kami naghiusa nga amo ni ipadangat among problema kabahin sa status sa accreditation sa Grade 1 Science Tech diri sa Compostela Central School nga wala nay klaro. Ang mga panghitabo mao ni:

1. Naay gipahigayon nga Homeroom PTA meeting niadtong June 24, 2014 alas 2:00 sa hapon sa ilang classroom ug gitambungan sa mga ginikanan, representante sa mga estudyante, ilang maestra ug principal nga si Angeles Z. Bugtai.

2. Mi-announce ang principal during sa meeting nga dili na daw accredited ang Grade 1 Science Tech diri sa Compostela Central School sa DepEd ug dili na pod Science Tech ang tawag kun dili regular na lang nga Grade 1 class;

Agi og puno, mi announce pod siya nga katong nakapalit og uniform sa Science Tech pwede ra ipadayon og sul-ob ug ang katong wala pa kapalit, regular  blue uniform ang ipasul-ob. Buot niya ipasabot nga dili na special class ang among mga anak kon dili ordinary na lang nga Grade 1;

Ang mga parents nakapangutana nga unsa man pagkahitabo nga dili na man accredited ang Grade 1 nga nipasar man ang mga estudyante sa upat(4) ka examination, usa niini gikan pa sa Regional Dep Ed nga examination as per requirements para makasulod ka sa Science Tech nga class. Ni qualify sab sa six(6) years old requirement  ug tulo(3) na ka semana kapin nagsugod ang klase sa mga bata;

Ang principal mitubag nga nagsugod kuno ni sa complain sa parent sa usa ka estudyante nga si Ms. Potot nga na disqualified tungod sa over age nga gi file didto sa Dep Ed ug miresulta kuno sa endorsement gikan sa DepEd nga pirmado daw sa ilang superintendent nga e nullify ang accreditation sa Grade 1 Science Tech sa Compostela Central School;

Ang principal naka commit og grave abuse of discretion of her position by allowing disqualified students to take sa examination ug pagpatambong ni Ms. Potot sa class bisan over age ug sobra na 35 student limit and also, by not protecting the interest sa 35 ka student to suffer the consequence of her act. (Maayo unta og maka-esplikar ang principal niini. BGN)

***

(bobby.nalzaro@yahoo.com)