Fil-am nga draftee sa NBA gusto mobisita sa Pilipinas

NAGTINGUHA karon ang Filipino-American player nga si Jordan Clarkson kinsa nakuha sa Los Angeles Lakers atol sa 2014 NBA Draft sa niaging adlaw nga mobisita unya dinhi sa Pilipinas.

Sa interview sa mga tigbalita, si Clarkson mipadayag nga mapasigarbuhon kaayo siya sa iyang kagikan. Ang iyang inahan nga si Annette usa ka Filipino.

Si Clarkson maoy unang player nga may kagikan nga Pinoy nga na-draft sa NBA sukad nila ni Raymond Townsend sa 1978 ug Ricardo Brown sa 1979.

Napili siya sa Washington Wizards sa ika-46 nga draft pick apan gikuha siya sa Lakers nga gibugtian og salapi.

“I’m a part-Filipino and I’m looking to be the first or one of the Filipino-Americans to play in the NBA. I know the country is backing me up. I hope I will be able to visit them in the future,” matod sa 22-year-old sa interview sa Slam Online.

Matod sa taho nga ang Lakers mibayad og $1.8 million sa Wizards aron lang makuha ang 6-5 nga pointguard.

Si Clarkson nakaduwa sa Tulsa ug dayon sa Missouri Tigers diin siya nag-average og 18.4 points, 4 rebounds, 3 ka assists ug adunay 46 percent sa field goal.

“It was a tough decision leaving Missouri. I spoke with my mom and the rest of my family and I felt like I was ready to take the step to the next level,” dugang ni Clarkson.

“We had him higher on our draft board. Good size, good defender, excels in attacking the rim,” padayag usab sa LA Lakers General Manager Mitch Kupchak. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph