DEAR Heartline,
Tawga lang ko sa name nga Mariel, taga Tagum City. Minyo nako karon, 5 years nami sa akong husband. Pero hangtud karon dili mawala sa akong huna-huna akong ex-bf nga si Jerome. Hangtud karon naga-expect gihapon ko nga magkita mi ug magka-istoryahanay. Taga Lupon siya. Tambagi ko unsaon nako ni. Nagpabilin gihapon akong love niya. Thanks.
Mariel 0920
*****
Hi dear Mariel,
Move on na girl, minyo naman ka, naa naman kay kaugalingong kinabuhi, may bana kana, so be happy sa kung unsa ang anaa kanimo karon.
Kalimti na tong si ex-bf nimo tungod humana man ang tanan between sa inyong duha.
Ayaw na baliki tong mga kagahapon nga posibleng makadaut pa hinuon sa imong present nga relasyon with your husband.
May mga butang nga gikinahanglang left unsaid na lang, tungod kini ang makaayo.
Ayaw na sigeg hold on sa kagahapon, that will not help you, the more hinuon ka nga maglibog, makahuna-huna hinuon kag dili maayo.
Ang ex, sa mga pagtuon pa, hilabi na og lawom ang inyong panag-uban, dili gyud na nimo malimtan, magpabilin gihapon ang mga memories, but ang mag-lessen is ang intensity sa gugma.
Ingon ana lamang ang imong gibati karon, tungod posibleng duna moy mga unsettled issues.
Ngano, kung magkita o magka talk mo ma-okey kana? Sure ka? Basin uroy og mabaliw ka teh, mokalit kag kalami, biyaan nimo ang imong bana, nga nagmata lang og morning, gasige paka'g huna-huna sa ex-bf nimo.
Unfair sab kaayo sa imong husband ang tanan.
Unsa man ang anaa kanimo karon, dawata kini. Better i-pokus nimo ang imong self sa mga things nga mas mopalambo pa sa inyong kaminyuon.
Enough na ang drama. Huna-hunaa ang long-term nga epekto, di nang nagsige og butok-butok anang imong kasing-kasing.
=====
Giluiban
DEAR Heartline,
Tawga lang ko sa pangalan nga Jamez, taga-Bankerohan. Ang akong problema mao ang gibuhat sa akong asawa. Nagluib siya kanako adtong 2012 pero mitug an siya nako og tinuod 2014 na. Sakit kaayo para sa akoa ang iyang gibuhat, hangtud karon maglisud ko pagdawat. Mahal kaayo nako siya. Please hatagi ko og advice kanang dili nako masakitan sige og huna-huna.
Jamez 0935***
*****
Hello James,
Sa kinabuhi, di kalikayan nga kita makasala, mapandol kita, makalingi kita sa uban bisan kita may kabilinggan na.
Yes, sakit kaayo ang luiban, di matugkad ang bationg kasakit, apan kita gihatagan sa higayon nga magbag-o, mopasaylo, mangayo og pasaylo, ipadayon ang kinabuhi.
Dili sayon ang pagtug-an sa tinuod, hilabi na gyud og kini nga kamatuoran makahatag og dakong kasakit sa gisultihan.
Dili dali ang gihimo sa imong kapikas, for sure, kapila ka beses niyang gihuna-huna ang angayang buhaton aron masulti niya og sakto ang sala nga nabuhat.
Karon, nahuman naman gyud ang tanan, forgive.
Lisud, but you have to aron ma-let go nimo ang pain ug di ka magkulong sa kalagot.
Ang pagpasaylo makatabang kanimo aron di ka magsige og huna-huna.
Usa pa, try to check kung unsa ang kuwang nga nagluib man ang imong kapikas.
Karon nga nahitabo man na, dapat mas bukas ang inyong komunikasyon sa usag-usa.
Tabangay mo to work things out. Di pwede nga ikaw lang ang mo-effort o siya lang. Dili man sayon, apan you have to, if ang tumong nimo is to save the relationship, the marriage.