MOTAMBONG si Bise Gob. Agnes Magpale sa arraignment o pagbasa sa kaso batok sa lider sa kulto nga si Casiano Apduhan, Jr, kinsa nag-atubang og kasong serious illegal detention, sa dakbayan sa Toledo karon.
Ang bise gobernador ubanan sa pulis gikan sa team sa Provincial Women’s Commission (PWC) gikan sa Cebu Provincial Police Office (CPPO).
Si Apduhan nag-atubang sa maong kaso nunot sa giingong pagtanggong niini sa babaye nga si Emma Nepumuceno sulod sa 5 ka tuig.
Matod ni Magpale, nahan-ay na ang ilang mga argumento alang sa kaso ug andam na ang PWC sa mga husay niini sa korte.