DUHA ka estudyante ang gidala sa San Pedro Police Station human nasakpan sa barangay kapitan nga nag-sex sud sa sakyanan.
Ang insidente nahitabo ala 1:45 kagahapon sa kaadlawon, Lunes, didto sa Topaz ug Ruby Street, Marfori Subdivision, Barangay 9-A Poblacion.
Ang duha giila sa ilang alyas nga Dave, 17, ug Francy, 17, pulos nagtungha sa dakong unibersidad ning siyudad.
Subay sa impormasyon nga nakalap sa Superbalita ug dxDC RMN Davao, giingong nag-motor sila nga naglibut-libot sa Marfori Subdivision hinungdan nga nakita sila sa nag-patrolya nga mga barangay tanod uban ni Kapitan Roderico Llubit.
Nasayran nga giukoy silang duha sa mga tanod human gibilin nila sa kilid sa dalan ang motorsiklo nga ilang gisakyan.
Gisaysay ni Llubit nga ang duha ka estudyante misulod sa kasagbutan dayon miagi sa usa ka eskena ug misulod sa Suzuki van nga gi-display sa dapit.
Natingala sila nganong nakasulod ang duha sa sakyanan nga dili ila.
Dihang gisilip na sa mga tanod kung unsa ang gihimo sud sa sakyanan, ilang nakita ang grabe ka hamis nga way sapot nga lawas sa dalaga nga gipatungan sa lalaki.
Nagtuo sila nga dunay giayo ang duha, apan nag-sex diay.
Wa maglangan si Llubit, iyang gituktok ang sakyanan dayon gipailis ang duha, ug gipakuyog sa Women and Children's Protection Desk.
Alas 4:00 sa kaadlawon, gikuha sila sa ilang mga ginikanan kinsa nagpakita og birth certificate nga nagpamatuod nga dise siyete anyos pa sila, mao nga wa napasaka ang kasong public scandal sa korte. (Jeepy P. Compio/Erin Lumosbog)