DEAR Tita,
Tawga lang ko sa ngalan nga Junie, akong problema tita kalabot sa akong lovelife. Pag-abot man gyod sa lovelife ulaw kaayo ipatambag sa lain mao nga sa imoha ko nisango tita. Nag uyab mi tita duha na ka tuig, maayo pirmero among relasyon kay inlove gyod mi sa usag-usa. Nag engaged napod mi og pre marital sex ug sa pagkakaron tita gasumhan naman ko pag-ayo. Naay nakagusto nako ug naa sab nahitabo namo mas ganahan naman ko sa iyaha. Unsa akong buhaton tita nga nakasala naman ko sa akong uyab. Akong plano akong bulagan kay maorag wala na gyod koy gana sa akong uyab. Please tita tambagi ko.
Junie
*****
Hello Junie,
Sa pagpadayon nako og basa sa imong problema murag dili lovelife imong gaproblemahon kondili imong kagana o ka satisfied sa sex. Abi nimo kung tinoud ka nga nahigugma sa imong uyab dili gyod mag matter kung unsa ka o siya diha sa kama. Wala paka nakabati og tinuod nga gugma kay kung tinuod na nimo nga mabati sa usa ka tao dili naka mag-mind kay satisfied naka bisan unsa orasa.
Tita Heart