PAHUGTAN na sa ka­gamhanan sa dakbayan sa Lapu-Lapu ang pagpanakop ingon man ang pagpamaligya og shark meat pinaagi sa ipalabang unya nga ordinansa nga nag-ban niini.

Gibutyag ni Mayor Paz Radaza nga ang City Fisheries and Aquatic Resources Management Council (CFARMC) adunay tinguha nga mo-umol og ordinansa nga nagdili niadtong mga negosyante og isda sa pagpamaligya og shark meat.

“All kind of sharks, ma-ban naman gyud na (due to it’s extinction),” pasabot sa mayor ngadto sa mga tigbalita.

Sa sayo pa, ang mga sakop sa Task Force Kalikasan sa Lapu-Lapu ang naka-intercept og usa ka pick-up truck nga gikargahan og mga sinako nga shark meat sa operasyon sa barangay Basak ug dad-on sa barangay Pasil, dakbayan sa Sugbo.

Gibutyag ni P01 Brando Maraña nga gibana-bana nga 81 ka kilo sa nagkadaiyang hiniwa nga isda ug giduda­hang dunay thresher sharks sa maong kargamento.

Sa gihimong imbestigasyon sa City Environment and Natural Resources Office (CENRO) diin nasakop sa CFARMC nasuta nga kompleto mga dokumento ang tag-iya sa shark meats.