Wa mahinayon ang arraignment kun pagbasa sa salaod batok sa giilang lider sa kulto nga si Casiano Apduhan Jr. kagahapon sa buntag.
Kini human nga wala makatunga ang iyang abogado nga si Danilo Yap atol sa arraignment.
Giingong dunay laing court hearing nga gitambungan si Yap sa siyudad sa Sugbo, hinungdan nga wala siya makatambong sa arraignment ni Apduhan didto sa Toledo City RTC Branch 59.
Si Apduhan nag-atubang ug kasong serious illegal detention nunot sa akusasyon nga gitanggong niya sulod sa 5 ka tuig ang babaye nga si Emma Nepomucecno.
Gi-reset sa Toledo RTC ang arraignment ngadto sa Agusto 12.
Ang Provincial Women’s Commission una nang miingon nga andam na sila alang sa full-blown trial sa kaso ug nahan-ay na ang ilang mga argumento ug mga testigo alang niini.
Posibleng lakip si Bise Gob. Agnes Magpale sa mga molingkod unya sa witness stand isip testigo batok ni Apduhan.