PADAYON ang kahinam sa San Mig Coffee Mixers nga maangkon ang Grandslam title sa 39th Philippine Basketball Association (PBA) Governor’s Cup sa dihang sugdan na karong gabii ang Game 1 batok sa Rain or Shine Elasto Painters sa best-of- five titular series nga ipahigayon sa Mall of Asia Arena, dakbayan sa Pasay.

Bisan pa man sa ilang kadaugan, 95-94, sa elimination round batok sa Coffee Mixers niadtong Hunyo 16, si coach Yeng Guiao sa Rain or Shine nasayod kon unsa gyud kalisod ang ilang atubangon karong gabii sa duwa nga sugdan sa alas 8 ang takna.

Ang Mixers ug Rain or Shine pareho nga miagi og malisod nga dalan sa best-of-five semifinals round sa wa kini makatungtung sa finals.

Gipukan sa Mixers ang Talk ‘N Text Tropang Texters (3-2) ug naangkon usab sa Rain or Shine ang kadaugan batok sa Alaska Aces (3-2) sa ilang tagsatagsa ka serya.

Si 16-time champion Mixers coach, Tim Cone miasoy nga ang ilang kampanya nga makaangkon sa o grandslam tile sa karon nga season mas lisod kon itandi niadtong 1996 sa dihang didto pa siya sa kampo sa Alaska Aces.

“It’s a bit tougher this time around in some ways. The conferences and the games have been so close together and it’s been a battle of attrition. Also, there are so many great teams to go through,” matod ni Cone.

Kon ang Rain or Shine mapildi batok sa Mixers sa karon nga final round sa Philippine Cup makapanimalos na kini sa kapakyasan ug magamit na ang maong kasinatian sa pagpugong kang Cone ug makalangkat og laing grandslam title.

“I don’t think the purpose of going to the finals is just to play. We want to make our own history. It’s not just about trying to stop them. It’s about trying to win a championship for us,” pamahayag ni Giuao.

Ning maong series, ang duha ka import nga sila si Marqus Blakely sa Coffee Mixers ug Arizona Reid sa Rain or Shine maoy mamahimong sentro sa atraksiyon.

Ang 6’5” nga si Blakely kinsa gideklarar sa miaging tuig isip Best Import Awardee nagkanayon nga moduwa siya alang sa gihandom nga ika upat nga sunodsunod nga titulo sa Mixers.

Apan alang usab kang Guiao nga ang pag-abot nila sa finals maoy bunga sa ilang kakugi ug dedikasyon sa duwa. (Genevieve T. Fernandez, USJ-R MassCom Intern)