HELLO! It's Monday! Kumusta kamo diha? Adlaw'ng Lunes karon busa paspasi ang lihok aron di ta maulahi sa mga gimbuhaton.
Sa nanglabay nga mga adlaw mibalandra ang balita labot sa rice hoarding nga gikabalaka sa katawhan ugaling motaas na ang presyo sa bugas.
Tuod man, mingtaas gyud ang presyo nga miabot na sa tag P50 matag kilo nga giingong napahimuslan sa pipila ka dagkong mga negusyante og bugas sa nasud.
Sumala sa report nga daghan sa kaulohang Manila ang mihimo niini, apan wa hinuon kini nahitabo sa atong rehiyon gumikan sa paspas nga pag-aksyon sa otoridad.
Labot niini, ang 17th Council sa Davao City naghangyo sa National Food Authority (NFA) nga mag-abli og mga rice outlets matag barangay aron makapalit ang mga residente sa barato nga bugas ug makitang wa kini gipangtagoan.
Sumala sa mga konsehal nga ang presyo nga anaa sa P45 hangtud P50 di na kini makaya sa katawhan, diin usa sa mga tubag niini mao ang pagpangita og barato nga bugas sama sa NFA rice.
Usa ang maayong alibyo niini aron matubag ang nasampit nga problema ugaling mahitabo kini? Ania ang pamahayag sa atong mga opisyal ning siyudad:
NFA rice ginahatag ra unta na
"Some of it are being given to the barangay officials and they have only been giving it to the needy." Hon. Paolo Z. Duterte, acting Davao City Mayor
Nagsalig sa NFA
"Most of our people are relying on the availability of the NFA rice considering that it is affordable and best fits the family's budget. NFA outlets here are so limited that is why people have no adequate access to affordable rice and with it many people are suffering from the effects of rice hoarding and implies the manipulation in the market." Hon. Bernard Al-ag, Councilor, Davao City