Genoguin: Gahum sa ehekutiba, lehislatiba ug hudikatura

KINING mosunod mao ang kaugalingong kagahum sa tulo ka sanga sa atong gobyerno nga adunay patas nga katungdanan ngadto sa usag-usa.

Ang gahum sa ehekutiba ngadto lehislatiba mao ang pag veto sa mga balaodnon nga gipasar sa Kongreso. Pagpatawag og special session. Suhistiyon sa pagpasar og priority o urgent bills.

Ang gahum sa lehislatiba ngadto sa ehekutiba mao pagkontrol ug pag-apud-apod sa salapi. May gahum sa pag-impeach o pagpalagpot sa presidente. Pag-overide sa balaudnon nga gi-veto sa presidente, pinaagi sa two-thirds vote.

Ang Senado, pwedeng makababag sa langyawng kasabutan, ug dili i-ratify. Ang Senado makahimo sab sa pag-reject sa presidential appointments ug dili nila i-confirm.

Ang gahum sa lehislatiba ngadto sa hudikatura mao ang pag-impeach o pagpalagpot sa mga mahistrado. May kagahum sa pagkonpirma sa mga Judicial appointments. Mahimong mosagop sa desisyo sa korte pinaagi sa pag-amendar sa atong batakang balaod.

Ang gahum sa hudikatura ngadto salehislatiba mao ang pagdeklara nga unconstitutional sa balaod nga ilang gipasar.

Ang gahum sa ehekutiba ngadto sa hudikatura mao ang pag-appoint sa mga judges ug justices sa Supreme Court. Paggarantiya og pardon o pagpasaylo sa mga konbiktado sa korte Suprema.

Gahum sa hudikatura ngadto sa ehekutiba mao nga libre sila sa kontrol sa ehekutiba ug makadeklara sila og unconstitutional sa lakang sa ehekutiba.

Ang ehekutiba, lehislatiba ug hudikatura adunay tagsa-tagsa nga gimbuhaton, patas ug balanse ang ilang gahum sa usag-usa. Ug angay nga magrespetohay.

Pero ang nahitabo gibastos ni P-Noy ang hudiktura. Ang 13 ka utok sa mga mahistrado nga nagtuon sa legalidad nga gipasikad sa atong constitution, gustong koreksiyonan ni P-Noy nga siya ang husto, ug sayop ang 13 ka mga mahistrado sa ilang ruling sa DAP.

Misangko pa sa pagbinata, tungod kay nag-awhag naman hinuon siya sa mga katawhan nga magkabit og yellow ribbon kon kinsa kadtong gustong mosuporta sa iyang administrasyon. Ang kalapasan sa usa ka balaod, dili popularidad ang sulbad, kundi tubagon mo sa hukmanan ang imong kasal-anan.

Karon kasado na ang "otion for reconsideration" pero mausab pa kaha ang desisyon sa 13 ka mahistrado nga giunhan naman sa pagyaga-yaga? Dili bastabasta ang desisyon sa Korte Suprema, kay 13-0 ang ilang boto, unya giyagayagaan lang sa ehekutiba.

Maayo tingali nga magkambiyo og mga adviser ang Malakanyang kay naluoy ta sa atong halangdong presidente. Sa atong pag-balanse dili kurap ang atong presidente matinud-anon siya sa tanang mga lakang nga iyang gibuhat. Ang deperensiya lang mao ang mga tawo nga anaa sa iyang palibot.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph