BACOLOD

10-anyos gi-aswang?

DAVAO CITY - Human nabulabog ang katawhan sa Boulevard gumikan sa gikatahong aswang. Usa ka diyes anyos nga batang lalaki ang giingong gidagit ug gikambras sa aswang alas 12:10 sa tungang gabii sa nakalabay nga Huwebes didto sa Barangay 21-C, Poblacion.

Kini mismo ang giangkon ni alyas Marlon (bansagon gitago) 10, tinun-an sa usa ka Elementary School sa Sta. Ana District human nahinabi sa Superbalita, Biyernes sa gabii.

Nagdumili unta ang mga ginikanan ni Marlon sa pagpa-interview sa bata gumikan gisamukan na kini sa daghang panguntana sa mga silingan, apan mihatag kini'g pamahayag gumikan ang mga ginikanan niini higala sa mismong tigsuwat.

Una niini, nabulabog ug nangmata ang mga residente sa maong dapit human perting siyagit ni Marlon dihang nangihi siya og iyang nakita ibabaw sa atop ang usa ka itom nga babaye.

"Nangihi ko, nagpiyong ko dala buka sa mata kay katulgon ko, natingala ko sa ibabaw taas kaayo'g buhok, nakaitom," sulti ni Marlon.

Dugang niini wa niya masayri nganong naa na siya sa atop, human siya misinggit, ug duna na'y gasgas ang walang bahin sa iyang hawak.

"Natingala nalang ko naa nako sa ibabaw sa atop, naluya nako, naa ko'y gasgas diri sa hawak pero natingala ko wala naman mura'g kalit nga naayo," asoy sa bata.

Nawad-an suma pa kini'g buot dihang naabot siya sa ibabaw sa atop diin taud-taud midali siya'g kanaog.

"Hilak ug nahadlok ehh, ikaw daw kita'g ingon ana, abi nako'g diha lang na sa mga salida," sulti sa bata.

Ang maong hitabo gikuninitan dayon sa facebook diin ang netizen kinsa silingan sa bata mipaambit sab sa ilang kasinatian niadtong orasa.

Sumala ni Dhei Chan sa iyang comment sa istorya nga na-post sa Facebook, alang niya: 'naa baya mi gisuspetsahan nga aswang nga silingan diri kay magkamas-kamas sa iyang kwarto ug cge og agoo kung full moon. Iya anak cge og ingun "tama na nah Ma! tama na nah Mah!" ayaw mo gara diha kay mahadluk ko.

Samtang si Jayboy Tarong sa iyang comment: lalake maning bata maam. di mani bae. ngano naabot sa atop. kabalo ba ka maam nga naay gate tong balay nga nahulogan sa bata. Tapos lagubo diretso ang nadungog sa silingan. Wala man lang ni agi og tamak sa atop kay og ni tamak daw dungog ta to mga lagapak ang atop, kaso. Lagubo man god. Kanang mora'g natagak jud ang bata gikan sa taas.

Hinuon sa nahitabo bugtong si Marlon lamang ang makasaysay kung unsa tinuod nga nahitabo kaniya. (Jeepy P. Compio)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph