BACOLOD

Mga militante gibantayan sa pulis


DAVAO DEL SUR - Nangandam na ang kapulisan sa probinsiya ug silingang Davao Occidental batok sa ilusad nga protesta sa mga militanteng pundok karong adlawa.

Hayan molihok ang mga walhong grupo dungan sa ikalimang State of Nation Address (Sona) ni Presidente Benigno Aquino III.

Sa lungsod sa Magsaysay, Davao del Sur, gikanayon ni hepe Senior Inspector Reniel Raotraot nga andam sila ugaling molihok ang mga militante sa lugar.

Mas hugot sab ang seguridad sa dakbayan sa Digos sanglit ania dinhi ang daghang sakop sa progresibong pundok.

Apan, suma sa mga opisyal sa kapulisan nga gipakatag na ang mga intelligence personnel aron mag-monitor sa palibot.

Bisan ang mga lungsod sa Hagonoy ug Padada hugot sab nga nagbantay ang kapulisan.

Suma ni Senior Inspector Marvin Hugos, hepe sa Hagonoy Police Station, apil nilang gibantayan ang mga pasilidades sa gobyerno.

Sa pikas bahin, gipadayag sa mga mag-uuma nga laing saad na sab gikan sa pamuno nasud ang madunggan karong hapon.

Ang mag-uumang si Oscar Alcaria, sa lungsod Magsaysay, nagbutyag nga dugay ra nilang gihandom nga matabangan sila sa gobyerno aron modako ang ilang kita.

Apan, pabiling barato ang kumprada sa ilang humay luyo sa mahal nga baligya niini sa merkado.

Gidason niini mas gipaboran ni Aquino ang mga mamumuhonan nga modako ang ganansya kung itandi sa mga yanong mag-uuma nga kuwang ang kita.

Sa Sona ni Pangulong Benigno Aquino III karong adlawa, naglaum na ang mga yanong sektor sa katilingban nga laing bakak na sab ang itaho niini ngadto sa katawhan. (Orlando Dinoy)

style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph