BACOLOD

Giyera miulbo sa Bukidnon

GINUKDANAY, sinubayay, ug pinusilay tali sa kasundalohan ug rebelde ang nahitabo sa Bukidnon sulod na sa tulo ka adlaw.

Kini ang nahagpat nga impormasyon sa Superbalita nga gipahibawo nga usa gayud ang patay ug upat ang samdan sa han-ay pa lamang sa kasundalohan, apan di pa matino ang namatay sa mga rebelde didto sa Sitio Lucat, Barangay Cawayan, Quezon, Bukidnon Province.

Nag-engkwentro ang duha ka grupo dihang mipahigayon ang kasundalohan og operasyon sa maong lugar human nanulong sa Lorenzo Farm ang mga rebelde nga maoy nagsunog ug mipatay sa duha ka mga empleyado sa kompanya.

Pinakaulahing katikaran nga nakuha sa Superbalita, patay nang nadala sa ospital si PFC Trevoc C. Lacar, samtang angol sila PFC Rolando M. Manumba,PFC Reyson S. Ortega, PFC Ronald Cabantaw, PFC Robert Jun Gaguit ug PFC Citor Salibot.

Silang tanan sakop sa 103rd Division Reconnaisance Company (DRC) sa 1003rd Infantry Brigade, Philippine Army nga nakabase sa Sto. Tomas, Davao del Norte.

Pinakadugay nga engkwentro ang nahitabo niadtong Hulyo 24 diin miabot sa 30 minutos nga nagharong ang duha ka grupo.

Mikagiw lamang ang mga NPA dihang miabot ang 104th DRC ubos sa 68th IB bitbit ang tag-as nga matang sa armas.

Giingon sa militar nga ang mga sibilyan nagsulti kanila nga gipangdala sa mga rebelde ang ilang mga kauban nga nasamdan.

Si Capt. Jose Napoleon Gamos, CMO Officer sa 1003rd Brigade, nga nasubo sila sa kamatayon sa ilang kauban nga sundalo.

Wala pa gibutyag sa opisyal kon kinsa ang kumander sa NPA nga naglihok sa maong lugar, apan gipaneguro nila nga ilang ihatag ang kalambuan ug kalinaw sa maong lugar. (Domilyn R. Pico)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph