Mga magpapili pagkamayor sa LP sa MisOr ginganlan

NAGTIGOM ang tanan nga mga magpapapili pagkamayor sa nagkalain-laing lungsod sa Misamis Oriental Oriental sa usa ka restaurant denhi sa siyudad sa Cagayan de Oro.

Si Lagonglong Mayor Jobert Pamisa, kinsa nagsilbing tigpamaba sa Liberal Party sa Misamis Oriental, nibutyag nga nagkatigom sila aron hang-ayon ug plastaron ug panagkita lamang paghisgot sa mga kinahanglan alang sa ilang pagsumiter sa ilang sertipiko sa kandidatura sa sunod-semana.

Kini usab sa mando ni Misamis Oriental second district Representative Peter Unabia nga nagsilbing chairman sa liberal sa Misamis Oriental.

Ginganlan usab ni Pamisa ang pipila ka mga magpapili pagkamayor sa mga nagkadaiyang lungsod nga ubos sa ilang partido liberal.

Sa lungsod sa Magsaysay, mao si kasamtangan mayor nga mao si Rey Buhisan; Medina mao si Donato Chan; Talisayan, Rico Taray; Balingoan, Aaron Unabia; Kinoguitan, Danilo Lagbas Jr.; Sugbongcogon, Mildred Lagbas; Binuangan mao ang kasamtangan mayor nga si Tomas Gumahin; Salay, Angelo Capistrano Jr.; Lagonglong, Kim Tagala; Balingasag, Marietta Roa Abugado; Claveria, Miraluna Savaleon; Opol, kasamtangan mayor Maximo Seno; El Salvador City, Alfredo Tan; Alujibid si Giovanni Labis; Laguindingan, Diosdado Obsioma; ug Gitagum, Emmanuel Mugot.

Si Atty. Julio Uy maoy moatbang ni Misamis Oriental Governor Yevgeny Emano sa pagka-gobernador, samtang si Juliet Uy maoy magpasubli og balik pagkakongresista sa ikaduhang distrito samtang si Unabia sa ikadugang distrito.

Ang magpapapili pagka-bise gobernador sa Misamis Oriental ug pipila ka mga lungsod nga wala nanganlan sama sa lungsod sa Jasaan, Villanueva, Tagoloan ug Lugait ang gikatakda pa nga ideklarar. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph