GIBUTYAG ni Department of Tourism (DOT) Regional Director Catalino Chan nga dili angayan nga mabalaka ang mga turista nga mobisita denhi sa Northern Mindanao.
Unang migawas ang report nga pipila ka mga turista ang nabalaka sa ilang seguridad tungod sa mga kaso sa pagpangdagit sa kasikbit nga lugar sa Mindanao.
Matud ni Chan nga denhi sa Rehiyon 10, luwas ang mga turista tungod kay prayoridad gyod ang ilang seguridad. Daw nakigkoordinar na siya sa mga tourist police sa nagkalain-laing dapit nga maoy mobantay sa mga tourist destination ug mobantay sa mga turista.
Matud niini nga isip usab miyembro sa law enforcement committee, kanunay ang iyang hangyo sa kapolisan nga dili pasagdan sa pagbantay ang turismo sa rehiyon.
Gani mapasigarbuhon nga giimbitar niini ang mga turista nga saksihan ang Lanzones Festival sa probinsya sa Camiguin ug Sagingan Festival sa probinsya sa Lanao del Norte.
Gikatakda usab ning bulan sa Oktubre ang usa ka dakong convention kalabot sa turismo nga himoun denhi sa siyudad sa Cagayan de Oro. (SVB)