SA usa ka dalaygong katuyoan, ang Danao City nag-organisar og lumba sa dagan nga giulohan og “kaRUNsa” ug ipahigayon karong Septiyembre 14.

Ang kita ning maong lumba iamot sa pundo alang sa gastuhan sa junior athletes sa elementary ug secondary divisions.

Saad pa sa mga nag-organisar nga nagkinahanglan og dugang pundo ang dakbayan alang sa gastuhan sa training ug gamit sa mga atleta.

Nangulo sa mga nag-organisar mao sila si City Sports Committee head Jerald Almendras, sports directors Danny Alfornon ug Jojo Flores, ug technical race director Bien Probadora.

Gilauman nga moabot ngadto sa 800 ka runners ang mangapil sa lumba.

Alang sa runners nga naa sa lagyong dapit, adu­nay transportation bus nga iandam ang mga nag-organisar

Ang mga kategoriya nga kombatihan mao ang 1.5K, 3K, 6K, 12K ug 21K.

Dul-an sa P50,000 ang kinatibuk-ang ganti sa torneyo. (Meracel C. Pajaron, PIT Intern)