NAPALAW ang audience sa dihang nag-atang sa ipakitang performance ni Miley Cyrus atol sa MTV Video Music Awards niadtong Domingo apan wala kini mosaka sa entablado aron sa pagdawat sa iyang trophy.
Kahinumduman nga sa miaging tuig naukay ang publiko sa hilas nga performance ni Miley nga nagpunay og kiyod ug bag-id ngadto sa pribadong bahin sa laing singer nga si Robin Thicke.
Apan lahi ang nahitabo kay usa ka Jesse Helt nga taga-Oregon, maoy mikuha sa award sa singer dungan sa pagbasa sa iyang kodigo nga nagsilbi niyang mensahe.
"My name is Jesse and I am accepting this award on behalf of the 1.6 million runaways and homeless youth in the United States who are starving, lost and scared for their lives right now. I know this because I am one of these people. I survived in shelters all over the city. I've cleaned your hotel rooms, I've been an extra in your movies, I've been an extra in your life. Though I may have been invisible to you on the streets, I have a lot of the same dreams that brought many of you here tonight."
Gi-awhag ni Miley ang publiko sa pagsuporta sa iyang advocacy lakip na ang paghipos og pundo alang sa mga batan-ong saag o walay pinuy-anan pinaagi sa iyang gitukod nga homeless center nga “My Friend’s Place”.