SA ILANG usa ka dekada ug duha katuig, ang Missing Filemon ni-score og sunodsunod nga hits, upat ka album, Best Movie Themesong sa Famas Awards sa kantang “Sine-sine,” liboan ka gigs/shows ug ang way katapusang tagay nila sa pagmahal sa kaugalingong pinulongan nga maoy nagpabuhig balik sa mga kantang Binisaya ngadto sa mga batan-on.
Andama ang baso ug pulutan kay ato na silang hubgon sa mga pangutana. Missing Filemon, Super Ka!
Original member ka?
INSOY NIÑAL (BOKALISTA): Yes, original member ko since 2002.
ADRIAN NELLAS (GITARISTA): Yes, original member.
CLARENCE MONGADO (BAHISTA): No, 2012 na ko nasulod although since 2008 nag-sige na kog play as session guitarist sa Missing Filemon.
EIMER TABASA (DRUMMER): 2012 na ko nasulod. Mao tong tayma nga naglinog. Mao diay kay ila kong kuhaong drummer.
Biggest musical performance before Missing Filemon?
CLARENCE: Back in 2007 nakatukar mi sa akong former band sulod sa CPDRC sa may Kalunasan. Dako siya para nako kay gawas nga prisohan, naka-share namo sa stage ang usa sa idolo kaayo nako nga banda sa Cebu nga sa wa damha banda na nako karon.
EIMER: Naa koy new wave nga banda sa una, ug kada naay taga-Manila nga manukar sa Cebu, mostly kami ilang kuhaong front act.
INSOY: Pinakadako nako katong nikanta kog salmo responsoryo sa usa ka misa sa among baryo.
ADRIAN: Kadtong kuyog pa nako ang bandang D.O.C. (Drop Out Club).
Unsang kantaha nga para nimo maoy signature hit/s sa Missing Filemon?
CLARENCE: The song “Ngano ba?” Kay very first hit ni sa banda.
EIMER: “Ngano Ba” ug “Sine-Sine”. Tungod aning mga kantaha nailhan mi sa radyo ug nag-number 1 sa local countdown sa FM station ug nagamit pa isip soundtrack sa usa ka indie film ang “Sine-Sine.”
ADRIAN: “Inday” ug “Sine-Sine” kay dinhi mi unang nadiskubre.
INSOY: “Sine-Sine” ug “Suroy-Suroy”, kay kada kanta namo ani mapun-an among uyab.
Tinuod ang inyong asawa fans ra sad ninyo sa una?
EIMER: Well, akong asawa Koreana, ug nagtuo siya nga dakong celebrity ko sa Cebu maong iya kong gisugot.
INSOY: Mga uyab nako sa una kontra sa akong pagbanda-banda. Ang asawa nako karon mao ni ang tinuod nga fan. Tagalog ni siya nga nakat-on og Binisaya pinaagi sa among mga kanta. Mao nay number one fan.
CLARENCE: Pass ko kay wa pa koy asawa. Hehe.
ADRIAN: Pass sad ko kay loveless ko ron.
Unsang batasana nga wala kahibawo ang imong fans nga ingon ana diay ka?
CLARENCE: Don’t know if naa koy fans but if naa man gani tingali ang akong
pagkaparaygon.
EIMER: Nagtuo sila nga pang-chicks ko pero wala lang sila kahibawo. Haha…
ADRIAN: Ang ako rang maingon nga buotan ug shy type ko. Naa ra na ninyo kon mutuo mo.
INSOY: Palahubog kuno ko ug palauyab. Dako nang bakak.
Sa inyong bag-ong album nga “Dekada”, unsang kantaha nga dakog potential nga mahimong classic hit/s?
CLARENCE: Ang among bag-ong album nga na-released last May kay mga live version sa mga best or greatest hits sa band for the past 10 years. Para nako kay mga classic hits na ang tanang kanta sa album.
EIMER: Para nako ang tanan potential hits.
INSOY: “Sto. Rosario” kay mao ning kantaha nga nanaway og pari.
ADRIAN: Para nako ang “Santo Rosario,” ug “Kawanangan” kay catchy kaayo ang lyrics ug tono.
Kon duna moy differences or misunderstanding, kinsay maorag big brother sa grupo?
CLARENCE: Big brother nako silang tanan kay ako ma’y kinamanghuran.
ADRIAN: Well, kami-kami ra gihapoy mag-estorya especially kon magtagay ug joketime sessions na.
EIMER: Walay big brother, e-agi ra namog tagay, mapagawas dayon ang tanang yangungo namu.
INSOY: Beer is our big brother. Itagay lang namo ang among bikil solve na.
I-describe in one word ang imong mga kauban?
INSOY: Way libog (two words lang ha), kay dali ra ika-estorya.
EIMER: Panic… Kada-tukar mag-sigeg ka panic sa stage.
CLARENCE: Buotan. Walay rockstar. Bisag mahubog buotan lang gihapon.
ADRIAN: Unique. Kay lahilahi man og talent, dili lang sa music pero sa kabuang sad.
Best bonding moments ninyo?
CLARENCE: Mga kinalit-kalit nga Sutukil ug ligo sa dagat.
EIMER: Holy week sa Bantayan. Sa kahubog namu, nag-lips to lips mi sa banda...ewww
ADRIAN: Mindanao tour, tagay and joketime sessions.
INSOY: Every tagay session is the best bonding moment sa grupo.
Kinsay dugay mahubog?
CLARENCE: Ako. Kay di man ko mutagay. Pulotan ray ako.
EIMER: Si Insoy dali ra mahubog pero dugay mu-surrender, musukol og straight nga tagay usa ka semana unya di mudako ang tiyan.
INSOY: Si Clarence, among bahista, kay di man moinom.
ADRIAN: Si Cladosky kay wa pa ko kita nga nag-maoy.
Pinaka-memorable show ninyo sa banda?
ADRIAN: Mindanao tour, ang sa USC-TC, ug kato last sa Cordova. Nindut ang crowd kay mada ka nila.
EIMER: Duha kabuok. Naay good and bad. Good kay sa Davao ug ang bad sa Palompon kay
wala me bayari sa organizer.
CLARENCE: My first gig as their official bassist.
INSOY: Bantayan, Holy Week, 2008 man tingali to, katong nag lips-to-lips mi sa stage.
Gawas sa banda, unsay lain ninyong trabaho?
CLARENCE: Internet Marketing Assistant.
EIMER: Marketing consultant.
INSOY: Teacher sa Cebu Normal University, editor ug columnist sa Sunstar.
ADRIAN: For now kay professional student.
Unsay course and school?
EIMER: USJ-R, Tourism Management.
INSOY: AB Philosophy ug AB English, San Carlos Seminary College.
ADRIAN: Wala pa koy nahuman pero balik ko sa UP Cebu.
CLARENCE: - AB MC unta kung nipadayon ko.
Nakapila na mo nga concert/shows karong tuiga lang?
CLARENCE: Di na nako maihap. So far ang pinakadako kay sa Cordova.
EIMER: Halos kada buwan naay 3-6 gigs, pinakadako katong June 12 gig sa Ayala.
INSOY: Di na mi kaihap, mga average of 4 to 6 gigs a month. Pinakadako katong launching sa Dekada album.
ADRIAN: Ako mga tulo pa lang kay bag-o ra ko nakabalik gikan ga-soul searching. Haha…
Some critics consider Missing Filemon as the most successful Cebuano rock band today. What’s your reaction?
INSOY: I disagree. I think it’s Cueshe.
Sa sunod dekada unsay mapaabot sa mga Cebuano sa Missing Filemon?
CLARENCE: More albums and a documentary film about the band.
EIMER: Naa nami mga apo.
ADRIAN: Hopefully, more hits.
INSOY: Ang among mga anak na ang magbanda, ang ngan nila Missing Filemon Kids Edition.