HUMAN sa halos pakigbisog sa kamatayon, nakabsan gyod sa kinabuhi ang usa ka pari nga giingong nasakit sa dengue.
Niadtong Miyerkules mga alas 12:30 udto gideklarar sa mga doktor sa Maria Reyna Hospital nga nakabsan sa kinabuhi si Rev. Fr. Raul Bagongon.
Kini usab human sa nagkadaiyang spekulasyon nga brain dead ang maong pari nga gisundan dayon og talandugon ang kahimtang.
Human sa maong deklarasyon sa naasoy'ng balay tambalanan, gibaha ug pahasubo ang San Antonio de Padua Church sa Barangay Nazareth diin nagsilbing assistant priest si Bagongon.
Kagahapong adlawa gihaya si Bagongon sa lawak sa Knights of Columbus Hall nga nahimutang sa naasoyng simbahan.
Gibutyag ni Msgr. Rey Monsanto, kinsa consultor sa Archdiocese sa Cagayan de Oro nga kawad-on kanila ang pagkamatay ni Bagongon labina pipila lamang sila nga mga pari denhi sa siyudad. Gikasubo pag-ayo nila ang nahitabo niini.
Si Bagongon, kinsa nakasinati ug grabeng hilanat, daling gidala sa naasoyng balay tambalanan ug deretsong gidala sa Intensive Care Unit sa naasoyng balay tambalanan.
Sa siyudad sa Cagayan de Oro, walay puas ang pagsaka sa kasong dengue diin giingong nakuha kini ni Bagongon sulod sa parokya. (SVB)