EXCITED na ang Cebuanang singer nga si “Stephanie” sa launching sa iyang self-titled debut album nga ipahigayon sa Waterfront Cebu City Hotel karong Nov. 14, Sabado 8 p.m.
Ang all-time hitmaker nga si Vehnee A. Saturno, kinsa maoy nitagik sa mga kanta ni Stephanie sa iyang album, ug ang musical arranger nga si Homer Cang ang mga espesyal nga bisita ni Stephanie sa iyang album launching.
Gikatakda sad nga mo-perform sa album launching ni Stephanie ang Your Face Sounds Familiar contestant nga si Michael Pangilinan (nga dunay duet ni Stephanie sa album), ang Cebuanang si Anna Fegi ug ang The Power Trio.