MISUGWAK sa Hoopsdome, Barangay Gun-ob, dakbayan sa Lapu-Lapu ang mga tawo nga buot motan-aw sa noontime show nga “It’s Showtime, Biyaheng Cebu” niadtong adlawng Sabado.
Ang maong episode kabahin sa usa ka buwan nga pagsaulog sa ikaunom na ka tuig sa maong programa sa Kapamilya network.
Napuno ang 10,000 nga seating capacity sa Hoopdomes samtang ang uban nga nahutdan og ticket ang nag-antos sa pagpaabot sa gawas sa pamasin nga makakita sa ilang gikahinaman nga celebrities.
Makabungog nga abiba gikan sa audience sa dihang mibutho ang mga host nga sila si Vice Ganda, Karylle, Anne Curtis, Vhong Navarro, Billy Crawford, Jhong Hilario, Coleen Garcia, Ryan Bang, Teddy Corpuz, Jugs Jugueta, ug Eric “Eruption” Tai.