KARONG adlawa saulogon ang Todos los Santos o kon sa ato pang pinulongan Adlaw sa mga Santos.
Kini maoy usa ka dako ug importanting kalihukan nga nahimo nang tradisyon sa mga Katoliko aron pagtahod ngadto sa mga beyato nga atoa na sa langit.
Kadaghanan sa mga nasod, mideklarar niini nga holiday.
Ang Nobiyembre 2, ugmang adlawa, mao ang “All Souls Day” o Adlaw sa mga Kalag nga mao usab ang pagsaulog niadtong mga kalag nga matinud-anon nga giingong wala pa makaabot sa gingharian sa Dios.
Kining maong pagtuo naghatag og dakong kahulogan ngadto sa tradisyon sa Katoliko kinsa nagtamod nga ang mga Santos maoy dalan paduol ngadto sa Kahitas-an.
Apan alang sa Methodist Church, ang tanang Kristiyanos pulos Santos hinungdan nga ang pagsaulog nila sa All Saint’s Day gipahinungod alang niadtong mga buhing Kristiyanos ug niadtong mga sakop sa kongregasyon nga mipanaw na.
Ang All Saints Day kon Kalag-Kalag nagsugod niadtong panahon sa ancient Roman ug sa pagan festival sa Lemuria diin kadtong mga dautang espiritu sa mga patay gipakalma.
Ang Christianization sa maong festival nagsugod niadtong 609 sa dihang si Pope Noniface IV mibindeta sa monumento sa mga lider sa tanang relihiyon didto sa Rome.
Kining maong selebrasyon natunong usab sa kalihukan sa Romano nga ipahigayon matag Mayo 13. Apan giuswag kini ni Pope Gregory III ngadto sa Nobiyembre 1 sa dihang iyang gibinditahan ang usa ka oratory sa St. Peter’s Basilica.
Busa sugod karong adlawa, gipaabot nga maghuot ug punsisukon sa mabagang duot sa tawo ang mga Sam-ang Katoliko kay lagi tradisyon na ang pagsaulog sa Kalag-kalag.
(Tinubdan: Wikipedia)