Jawo andam nga mo-coach sa Gilas

WALA seraduhi og pultahan ni Robert “The Living Legend” Jaworski ang posibilidad nga mahimo siyang coach sa Gilas Pilipinas aron mohulip kang Chot Reyes.

“It’s gonna be a tough job but I think taking a serious look at it is not a bad idea,” matod ni Jaworski sa interbyu sa www.spin.ph. “Because it’s a calling pe­ro ‘wag nating panguna­han ‘yan. My gosh, it’s a great honor if it will happen, pero yung sinasabi ni­yo lang e nasarapan na ako.”

Dili na bag-o alang kang Jaworski kining maong tahas. Siya maoy nag-coach sa Team Philippines nga nakalangkat og silver medal sa 1990 Asian Games, nga maoy labing unang higayon nga girepresentahan ang Pilipinas og mga magduduwa sa PBA sa usa ka international event.

Nakaduwa sab si Jaworski sa Philippine team sa 1968 Mexico Olympics ug 1974 FIBA World Championship sa wala pa siya nahimong usa sa labing sikat nga mga magduduwa sa PBA.

Matod ni Jaworski nga gawas sa headcoach, andam sab siyang motabang sa ubang mga departamen­to aron mapalambo og insakto ang team.