Dangcal: 'Iikot din ang mundo'

KONTENTO ug dawat kaayo ni coach Rey Dancal ang kapildehan sa iyang Southern de Oro Philippines College Sharks batok sa Cagayan de Oro College Phinma Scorpions sa finals sa 11th COSAA Basketball College Men’s Division nga nahuman niadtong Dominggo sa XU GYM.

Ingon pa niya, “Championships are not made by winning but how we played.”

Sakto kay ako mismo naatraka sa game one ug game two diin namatikdan nakosi Dangcal ug si COC coach Raymon Mercader morag gadula og chess sa korte. Isig mugna sila og home preparation.

Natubag ni coach Dangcal paglimitaha sa 6-foot-10 center nga si Quentin Luzoladio sa Scorpions, samtang si coach Mercader nitutok sa one-on-one defense kay tulo sa starters sa SPC adunay triple threats.

Apan didto ko nanglimbahot akong balhibo human masulbad sa SPC ang ilang dakong biya sa duha ka dula sa finals.

Napanas sa Sharks ang 19-8 nga biya sa unang game, samtang naputol sab nila ang 16-point nga biya sa game two ug pulos pa gyud hapit mangdaog. Apan lang, nakamahay kadyot si coach Dangcal sa 19 segundos nabilin sa dula human wala nakit-an sa referee nga naigo ni Quentin ang dagway ni Paul Abejuela.

Bisan nalang daw unta referee o injury timeout nga tawag kay nasakitan sa bunog si Abejuela hangtod nalang natumban niya ang linya mao nga nahatag ang possession sa Scorpions.

Nalipay lang si Dangcal kay, “my boys delivered it well ug lipay nako adto bisan tuod dehado mi sa kataas.”

Maayo ug paspas ang ball rotation sa SPC sa pagmugna nila og rally sa ikatulo nga kwarter hangtod natilawan nila ang unang labaw niadtong game two.

*****

Pirmiro ko pa ning saksi dinhi sa dakbayan nga naa nay reinforcement nga import. Hinuon, morag gakaparehas na sa UAAP ug NCAA sa Manila, ug Cesafi didto sa Cebu.

Hinaut dili madehado ang mga eskwelahan ug matoktokan kini. Kay kung magreinforce ang tanan eskwelahan og import, ga-demand ra ba na og dako nga budget.

Kay nasugdan naman, siguradoon lang nga pagawat sa tanan walay madehar kay basin naay manghawa sa COSAA.

Kana si Quentin maoy usa sa import sa University of San Jose Recolletos didto sa Sugbu.

Sa giingon ni Dangcal, “COC also deserved to win that championship. Dako baya sila gasto sa ila import just to win.”

*****

Kanhi Letran Knights stalwart kini si coach Dangcal sa wala pa kini siya madisgrasya ug nahimong "persons with disability" o PWD.

Bantayan ko sa mga manan-away sa game one tuod wala ko kabalo asa sila nga panig apan lahi ang akong nadunggan.

Busy kaayo si coach Dangcal sa dula adto kay hingpit ug mao pay pagpanas sa ilang biya og niabot sa seesaw nga panagkombati sa duha ka team.

Mga fans sa taas sa gym sige naglinabaya og storya hangtod naay kas-a nga nireklamo si Dangcal pagkomosyon nilang Abejuela ug Rey Anthony Peralta.

Nisinggit ang usa ka bando nga mananaway nga, “tindogi, tindogi.”

Duha ra ang pagsabot nako ato. Ang sintonado morag ani “coach, tindoga ah” ug ang usa “coach, sukol beh?”

Apan maskin unsa pagsabot, usa ka na nga human rights violation ug violation against PWD.

Patindugon lugar?

Mao ni ang tubag ni Dancal, “iikot din ang mundo.”