GIBARUGAN ni Sen. Antonio Trillanes IV nga di niya pangunahan ang Senate Blue Ribbon Committee sa iyang pagsulti nga mapriso si Vice President Jejomar Binay tungod sa kahiwian.
Suma ni Sen. Trillanes, klaro sa mga eksperto nga sobra ang paggastos sa Makati City hall alang sa bag-o niini nga gambalay, lakip na sa Makati Science High School.
Sa pakighinabi ni Prof. Solita Monsod, gisulti ni Sen. Trillanes nga di mamahimong manghunaw si Vice President Binay sa sobrang gastos sa duha ka gambalay.
“He must be grossly incompetent,” ni Sen. Trillanes.
Gilimod sab sa senador ang alegasyong naadunahan siya sa puwesto ug nanag-iya siya sa mahalon nga sakyanan.
Ang iyang net worth niadtong 2007 anaa sa P2.2 million ug misaka kini sa P4.9 million niadtong 2013.
Niya, ang taas niyang net worth tungod sa retirement pay niya ug sa iyang kapikas gikan sa Sandatahang Lakas.
“I am the poorest senator,” dugang ni Trillanes.
Luyo sa Senado gibubo ni Trillanes ang iyang oras sa pamilya.
Sayra ang uban pang detalye sa kinabuhi ni Sen. Antonio Trillanes IV sa pakighinabi kaniya ni Prof. Solita Monsod sa Bawal ang Pasaway kay Mareng Winnie karong Lunes, 10:15 sa gabii sa GMA News TV Channel 11.