HUMAN siya pilia ni Angelica Yap (Pastillas Girl) niadtong Sabado sa episode sa “It’s Showtime” sa Cebu, kumusta na si Richard “Mr. Pastillas” Parajinog?
Matod ni Ms. Aida Patana sa pakighinabi sa Superbalita Laysho nga regular na sa It’s Showtime ang 23-anyos nga si Parajinog ug tua na karon nagbase sa Manila.
“Ako nang ig-agaw uy, anak na sa akong uyoan nga board member sa Ozamiz City. Ang iyang papa ug ang mayor sa Ozamiz nga si Aldong Parojinog igsuon,” paambit pa sa tag-iya sa M. Talent Events and Promotions.
Si Patana nibutyag nga ganahan kaayo si Richard ni Miss Pastillas kay simple ug buotan. Plano kuno sa iyang ig-agaw nga panguyaban si Miss Pastillas apan iya una kuno ning mas ilailahon pa.
“Karong Nov. 14 si Richard ug ang mga kauban niyang finalists sa Mr. Pastillas sa Showtime nga silang Christopher Labao ug Michael Enriquez mo-guest sa album launching ni Stephanie sa Waterfront Cebu City Hotel.”
Guests usab sa album launching-mini concert ni Stephanie ang Your Face Sounds Familiar contestant Michael Pangilinan, Anna Fegi, The Power Trio ug ang all-time hitmaker Vehnee Saturno.
Ang tickets mapalit sa P200 ug P500 samtang ang CD album ni Stephanie mapalit sa P250.