ANDAM na kaha mobalik sa ring si Sarangani Congressman Manny Pacquiao sa sunod tuig?
Kini human ang kanhi world boxing champion ug inilang promoter, Oscar De La Hoya, nibutyag nga giluto karon ang kasabotan sa away tali sa iyang boksidor nga si Argentinian junior welterweight brawler Lucas Matthysse (37-3, 34 Kos) ug boxing superstar Manny Pacquiao (57-6, 38 Kos).
Matod ni De La Hoya, kon masilyohan ang maong kasabotan, ang away sa duha mahitabo sa sayong bahin sa sunod tuig.
Kahinumdoman, ang kataposang away ni Pacquiao batok kang Floyd Mayweather nikulit og record sa pay-per-view buys, pay-per-view revenue ug halit sa tiket, hinungdan sa pagtuo sa Pacquiao-Mayweather rematch.
Apan si Mayweather nipahibalo sa iyang pagretiro sa boxing busa, ang Pacquiao-Matthysse fight maoy giluto.
Ang gibutyag ni De La Hoya nisuporta sa pamahayag ni Pacquiao sa mga miaging taho nga posible mobalik siya sa ring sa sunod tuig tungod sa pagkaayo na sa bikil sa iyang abaga human sa ilang away ni Mayweather. Wires