Managsuon usa ray bana

USA ka bana uban ang iyang asawa ug kabit ang gidala sa mobile patrol sa San Pedro Police Station kay nagkagubot dihang nasayran sa asawa nga dunay anak iyang bana sa laing babaye alas 7:00 sa buntag, Huwebes.

Nasayran nga nagkagubot ang usa ka purok sa Barangay 76-A Bucana kay giingong nasayran sa asawa nga si Merly (bansagon gitago), 34, ang iyang bana nga si alyas Pepoy, 52, nga duna diay relasyon kang alyas Nelia, 40.

Sa impormasyon nga nahipos sa Sun.Star Superbalita gikan sa presinto 2, nasayran nga si Nelia maoy maguwang igsuong ni Merly.

Giingon nga way kabutangan sa kasuko ni Merly sa iyang bana kay gawas sa iyang nasayran nga dunay silay relasyon ni Nelia, napaanakan pa sa bana, nahimo pang ninang sa bunyag si Merly.

Dihang niabot na sila sa presinto, giingong mihangyo si Merly sa desk officer nga kung mamahimo di nalang prisuhon si Pepoy kay mao kini ang nanginabuhi kanila.

Alas 9:00 sa buntag kagahapon, subling nag-abot silang tulo aron husayon sa buhatan sa Women and Childrens' Protection Desk sa San Pedro Police Station.

Dihang gisuwayan paghinabi, wa na sila nagpakuha og pahayag sa Superbalita. Apan, dunay miguwa nga hungihong nga kanunay moadto si Pepoy sa balay ni Nelia nga labing kaayo nga daw sama sa magtiayon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph