BACOLOD

Tiu, mga ginsakpan sa Fuente nagpaupaw agig simpatiya sa SAF

NAGPAUPAW ang mga pulis nga sakop sa Fuente Police Station pinangulohan sa ilang hepe nga si Chief Insp. Weldimar Tiu.

Si Tiu kanhi sakop sa Special Action Force sa Philippine National Police (PNP).

Ang ilang gibuhat agi og simpatiya ug panawagan sa hustisya sa 44 ka mga SAF commandos nga nakalas sa engkwentro sa Mamasapano, Maguindanao.

Kagahapon, nagpaupaw ang mga pulis sa Station 2 pinangulohan ni Tiu, kinsa nigraduwar sakop sa PNP Academy Sambigkis Class-2003.

Human sila nigraduway, gidiretso sila pagdistino sa SAF kaniadto.

Matod ni Tiu nga alang sa mga kanhi nadestino sa maong unit di ikalimod nga sakit alang nila ang nahitabo.

Gumikan niini, ang tanang ning-graduate sa PNPA class 2003 nagkasinabot nga magpaupaw aron pagpakita sa ilang simpatiya sa kabanay sa nangamatay dungan sa panawagan og hustisya.

Iya usab nga giawhag ang iyang mga sakop nga mosunod sa pagpaupaw apan iyang giklaro nga di pinugsanay kay kadto lamang gusto nga moawhag og hustisya sa SAF 44.

Apan human makapaputol sa iyang buhok, nisunod gilayon ang iyang mga sakop sa pagpaupaw.

Alang nila, anugon ang naputol nilang mga buhok, apan labing anugon ang kinabuhi sa mga sakop sa SAF nga mipatulo sa ilang dugo alang sa nasud.

Si PO2 Sheryl Quanco nga nadestino sa womens desk nagkanayon nga di niya igsapayan ang pagpaputol sa iyang buhok, mapakita lang ang iyang suporta sa panawagan og hustisya.

Una nang nagpaupaw ang mga classmate niadtong mga pulis nga graduwado sa PNPA nga nalakip sa nakalas sa engkwentro sa Maguindanao aron pagpakita sa ilang pagbangutan sa maong hitabo.

Samtang si Gobernador Hilario Davide III mohatag sa hinabang nga P50,000 ngadto sa mga pamilya sa duha mga pulis nga nangamatay sa engkuwentro.

Matod ni Ethel Natera, spokesperson ni Davide, nga ang tseke alang sa financial assistance sa pamilya nila ni PO1 Wendel Candano ug PO1 Romeo Cempron.

Si Natera niingon nga ang gobernador mo­tambong sa mga haya sa duha ka mga pulis diin adto usab itunol sa gobernador ang hinabang.

Si Davide motambong sa necrological service ni Cempron sa Tayud, Consolacion karong Sabado sa gabii.

Kon dad-on na dinhi sa dakbayan sa Sugbo ang haya ni Candano gikan sa Dumanjug, moduaw usab si Davide.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph