MOKABAT ngadto sa 17 ka mga kapitan gikan sa lungsod sa Medellin ang nakigtagbo kang Cebu Gov. Hilario Davide III kagahapong adlawa diha sa Kapitolyo aron pagahisgotan ang mga programa ug proyekto nga gusto nga pundohan kanila.
Matod ni Davide nga gitambagan niya ang mga kapitan nga kon mamahimo kadtong gusto niini nga papundohan kadtong mga nadaot tungod sa bagyong Yolanda.
“I haven’t seen the resolutions pero as we’ve met with the mayor and the vice mayor of the municipal and the councilors I asked them kung naay mga request sa barangay I would prefer nga related sa katong (super typhoon) Yolanda,” si Davide atol sa pagpakighinabi sa tigbalita niini kagahapon.
Dugang niini nga andam siya nga motabang ngadto sa mga kapitan ug pangitaan niya og paagi ang fundings para niini.
Ang mayor sa maong lungsod nga si Ricky Ramirez kinsa uban nga nakigtagbo kang Davide inubanan ang iyang konseho nagkanayon nga maayo ang ilang panagtagbo kagahapong adlawa.