Delegasyon sa Dabaw molarga na sa Mati

ALAS siyete sa buntag, ang 600 delegasyon lakip na ang mga atleta, coaches ug chaperons sa Dabaw molarga karong adlawa padulong sa siyudad sa Mati alang sa Davao Regional Athletic Association (DAVRAA) 2015.

Gipahayag ni Department of Education (DepEd) Davao City Division Sports Coordinator Jima Gelmo nga ang asembliya sa delegasyon didto sa Davao City National High School (DCNHS) diin magsakay sila sa onse ka bus nga Metro Shuttle.

"Magsayo mi adto didto sa area aron ma-familiarize sa mga bata ang dulaan," ni Gelmo atol sa pakighinabi kaniya human sa send-off mass didto sa DCNHS kagahapon sa buntag.

Dugang niya nga ang delegasyon magpuyo sa Davao Oriental College for Science and Techonology diin hugot sab ang seguridad sa billeting area, "safe ang lugar nga puy-an naa gyud mga pader ug dako sab. Naa sab magbantay."

Gikompirmar sab niya nga imbitado si Davao City Mayor Rodrigo Duterte isip usa ka keynote speaker sa Davraa opening program, ala 1 sa hapon.

Samtang pahayag pa ni Gelmo nga dako ang tsansa nga motaas ang ranggo sa Davraa sa umaabot Palaro 2015 karong Mayo didto sa Tagum, Davao del Norte.

"Depende sa resulta karon sa Davraa pero dako ang chance nga mosaka ta tungod sa homecourt advantage," ngisi nga pag-ingon ni Gelmo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph