ANG New People's Army nagbuhi sa ilang tulo ka mga mga prisoners-of-war (POWs) ngadto kang Davao City Mayor Rodrigo Duterte kagahapon, Huwebes, Pebrero 26.
Sa ilang gipaguwa nga pahayag, ang National Democratic Front of the Philippines in North Eastern Mindanao Region (NDFP-NEMR) nagkumpirma sa pagbuhi nila PO1 Jorie M. Amper, PO3 Democrito B. Polvorosa, ug PO1 Marichel U. Contemplo.
Ang tulo ilawom sa kustodiya sa NPA's Front Operational Command 16 sukad niadtong Nobyembre sa miaging tuig.
Ang NDFP nagsulti nga nakahukom nga moagi sa normal nga proseso sa pasiunang imbestigasyon ug posibleng pagtaral sa tulo ka POWs.
Kahinumdomn nga ang pagbuhi sa tulo ka mga pulis nauktaba tulo ka higayon tungod sa pagdumili sa Armed Forces of the Philippines nga temporaryong mobiya ang ilang tropa sa lugar diin buhian ang mga pulis.
"The halfhearted efforts of the government's Provincial Crisis Committee lead by Surigao Norte Governor Sol Matugas failed to give any assurance for the safe release of the POWs," suma ni Ka Maria Malaya, spokesperson sa NDF-NEMR.
Ang NPA nagsulti nga mihangyo sila ni Davao City Mayor Rodrigo Duterte nga magpatunga sa pagbuhi sa tulo ka mga pulis nga bihag sa NPA-Surigao del Norte sanglit ang mayor malampuson sa pagtabang nga mahimong luwas ang pagbuhi sa POWs sa Habagatang Mindanao Region, ang labing uwahi gihimo niadtong Enero 2015.
"We would like to acknowledge the efforts of and thank Mayor Rodrigo Duterte and the Third Party Facilitators. This release is also a gesture signifying the revolutionary movement's serious intent on pursuing the peace talks between the NDFP and the GPH," suma sa mga rebelde.