HUMAN ni Sarah Geronimo, si Rachelle Ann Go ang napili sa Walt Disney Studios Southeast Asia nga mokanta sa revival sa A Dream is a Wish Your Heart Makes alang sa live action sa pelikulang Cinderella nga ipaguwa karong March 13.
Dugay na sab sa London si Rachelle Ann alang sa West End revival sa Miss Saigon.
Luyo sa mga pagdayeg nga nadawat tungod sa pagdala niya sa role nga Gigi, karon, midaug siya as Best Featured Actress and Best Supporting Actress sa UK.
Sa miguwang statement sa Walt Disney Studios Southeast Asia, napili nila si Rachelle Ann tungod sa dala niining positivity ug inspirasyon ni Cinderella isip living idol sa mga kabataang Filipino nga di moundang hangtud di maangkon ang pangandoy.