MENTAL toughness. Mao rana nga simple nga pamulong nga gibilin ni coach Stephen “Popong” Dacoco sa iyang Systems Technology Institute (STI) Olympians isip yabi sa Game Two karon adlawa batok sa Xavier University (XU) Crusaders sa men’s 25-under finals sa 2015 Loyola Cup Basketball Tournament diha pagadulaon sa XU GYM.
Matod niya nga nagpreparar na sila og ‘adjustment’ sa ilang opensiba ug depensa kay dili tiaw nga makompleto ang mga key players sa Crusaders sa umaabot nga dula.
Niadtong 75-79 nga kaparotan sa Crusaders sa Game One, wala sila si Kim Pasa ug Noel Yaranon.
Si Pasa na-injured niadtong 64-58 nga kadaogan sa XU batok STI sa elimination round samtang si Yaranon na-injured sab sa semifinals batok sa Lourdes College.
Wala pa’y kompirmasyon kung modula sila ugma.
Sila ra ni Rhodelle Nagac ug Red Cachuela ang nangulo sa opensiba sa Crusaders niadto.
“We also considered the line-up kay murag mobalik man si Pasa who was injured on a previous game,” ingon ni Dacoco.
Sa niaging dula, naglisod siya og adjust kay sige sila gaka-foul trouble iyang mga players.
“Little things like personal fouls can hurt as, so nag-focus mi sa mental toughness kay underdog man gyud mi sugod sa elimination,” dugang niya.
Sa pikas bahin, uban nga mga championship nga dula sa nagkalaing age group bracket dulaon ugma sa Domingo.
“Tanan championships gawas sa 25-under pagadulaon ugma sa Dominggo,” ingon ni Tournament Manager Dindo Escobido.
Usa sa main event sa championship sa Domingo mao ang XU Juniors ni coach Manny Diaz batok sa Saint Mary’s School ni coach Rene Ilogon sa 17-under boys.
Tanan sab mga dula alang sa ikatulo nga pwesto sa kadalaing age bracket dulaon sab karong adlawa sa dili pa dulaon ang Game Two.