HUMAN sa “The Legal Wife” ug sa iyang album launching karon balik drama na usab ang Maja Salvador, pinaagi sa “Bridges of Love” nga teleserye.
Matag gabii na sad natong manuntan ang Maja kauban si Paulo Avelino ug Jericho Rosales nga maoy mag-ilog kaniya human sa seryeng “Forevermore”.
Ang magsuon nga Paulo ug Jericho maoy magtigi sa byuti ni Maja ug sa iyang kaseksi matag gabii sa Kapamilya network, diin lahi usab nga Maja ang atong masundan dinhi.
Una sa tanan, duna kiniy dance sequence nga may pagka-burlesk queen ang peg ala-Vilma Santos, pero matod pa’s uyab ni Gerald Anderson nga lahi sab nga sayaw ang gipakita niya dinhi. Unsa kaha lupigon niya si ate Vi?
Kauban sab nila ang Carmina Villaroel ug ang nagbalik Kapamilya nga si Edu Manzano. Lain pang nagbalik-dos dinhi mao ang guapang si Antoinette Taus sa “Ang TV” sa una. Si Taus gisugat og mga intriga.
Apan ang tanan iyang giklaro nga wala siya manganak sa dihang milarga kini paingon sa Amerika. Ug labaw nang dili tinuod nga may anak siya kang Dingdong Dantes.
Matud pa’ng Toni Taus nga bakasyon ra unta ang iyang gianhi, apan sa dihang may mga offer na naglisud siyag balibad mao nga go na lang sab ang iyang byuti. Bisan pag may mga tsika nga balik Pilipinas kay way nahitabo sa iyang career sa Amerika.
Ang Bridges of Love ang mohulip sa “Two Wives” sugod karong Lunes sa primetime bida di vah bongga, ay’g saba!