KINSA’Y athlete of the year? Ang Pinoyng boksidor nga labing dugayng naggunit og world title? Ang labing paspas nga Pinay marathoner? O ang umaabot nga labing lig-ong haligi sa Philippine basketball?
Matubag kining maong pangutana karong Marso 31 sa higayon nga pasidunggan sa Sportswriters Association of Cebu (SAC) ang labing maayong mga atleta sa Sugbo sa tinuig nga SAC-SMB Sports Awards sa Ayala Activity Center.
Nag-una sa listahan sa major awardees karong tuiga mao sila si boxing world champion Donnie Nietes, kinsa nibuak sa rekord ni boxing legend Gabriel Elorde, two-time MILO Marathon national champion Mary Joy Tabal; ug Philippine Basketball Association (PBA) 2014 MVP.
“Cebu sports was blessed in 2014. It’s fitting that we, the sportswriters, recognize the athletes and individuals who made Cebu stand out once again,” matod ni SAC president Rico Navarro.
Ang ubang major awardees mao sila si World Softball Championships bound Isaac Bacarisas, Jasper Cabrera, Ben Maravilles, Oscar Bradshaw IV, Jerome Bacarisas, Fiba World 3 on 3 campaigner Aldrich Ramos, Asian Beach Games campaigners ug Nestea beach volleyball champions Edmar Bonono ug Edward Ybañez, International Master Kim Steven Yap, cyclists Nino Surban ug John Mier, dancesport champion Charlea Lagaras ug Ronnie Vergara ug national youth team standouts Itsuko Bacatan, Alexandrea Gumilao, Arantxa Mari Trebol, Jan Reese Jumawan, Alexa Ceniza.Modawat sab og major awards sila si Milo National outstanding athlete for gymnastics Daniella Reggie dela Pisa, Asian Youth Games medalist Kiyomi Watanabe, Asian Beach Games medalist Joel Zaspa, World Championship of Pingpong bronze medalist Richard Gonzales, ug Clement Tan sa taekwondo, MacAvyngr Alob, Nichole Maurin, Rinna Babanto, Glen Lava, triathlon pro Joseph Miller, Frederic Yuan Chiongbian ug Aaliyah Ricci Mataragnon.Ang tanang major awardees mao ang mga kandidato alang sa Athlete of the Year nga ihatag atol sa awards night.
Mohatag sab og citations ang SAC sa ubang mga atleta nga nakahimo sab og langas sa miaging tuig. Pooled report