WA kapugngi ni Miss Earth-Air 2012 Stephany Stefanowitz ang pagdagayday sa iyang mga luha.
Nahitabo ni atol sa press con ni Ejay Falcon dihang gi-welcome ang aktor sa Psalmstre isip bag-o nilang endorser.
Giasoy sa beauty queen atubangan sa media ang iyang kahiubos human wala siya paapila sa coronation night sa usa ka beauty competition, diin usa unta usa siya sa mga executive director.
“Masama talaga ang loob ko nung gabing iyon. Halos buong oras ko ibinigay ko mula umpisa pa lang ng pageant, from screening to training the candidates. Minasama kasi nila yung minsan absent ako sa ibang activities kasi may iba naman din akong tungkulin na dapat gampanan,” dason ni Stephany. Tungod kay nabati niya nga gibaliwala na siya sa mga naghupot sa maong pageant, nakahukom si Stephany nga mo-resign.
Apan bisan pa man sa iyang kahiubos, walay pagsaway nga migawas sa iyang baba batok sa mga organizer ug iya pang giawhag nga suportahan gihapon ang maong beauty pageant.
“I’m very proud of Steph bilang aming endorser. Isa siyang ehemplo ng mga taong mapagkumbaba, kung saan malinis ang kanilang hangarin na makapaglingkod. Masaya ako na marami siyang natulungan na mga beauty queens. Kaya nung sinabi niya sa akin yung naging desisyon niya, agad ko siyang sinuportahan,” matod sa tag-iya sa Psalmstre nga si Jim Acosta. (PR)