NAPUNO sa hudyaka, kalingawan, freebies ug hatawan sa dance-floor ang pakigsandurot ni Ella Cruz sa iyang fans atol sa iyang meet and greet, Marso 16 sa NCCC Mall Tagum ug NCCC Mall Maa.
Si Ella gibitbit sa NCCC Department Store ug BUM Clothing line, aron mohatag og lingaw sa mga Tagumenyos ug Dabawenyo fans nga excited sab nga mohimamat niya.
Unang biyahe ni Ella ang NCCC Mall sa Tagum City, nga unang beses pa niyang naduaw, diin daghang fans, young or old ang naghuwat kaniya.
Ubay-ubay sab ka mga Tagumenyos ang nahatagan og tsansa nga makapahulagway with Ella, plus ang pagpa-autograph.
Human sa Tagum, diretso na sab ang grupo sa 19-anyos nga bagets padung Davao City.
Si Gabriela Annjane Umali Cruz sa tinuod nga kinabuhi mainitong gisugat sa mga Dabawenyos sa 2nd floor sa NCCC Mall Maa.
Una pa man mihatag og lingaw ang aktres, daghan pang fans niya ang gisukod ang kaalam ug kung unsa sila ka-die hard kaniya pinaagi sa pagtubag sa mga trivia questions labot Ella.
Sila midawat og freebies courtesy sa BUM, diin ang aktres maoy brand ambassador.
Aminadong not a born singer, apan you can't help not to admire Ella hilabi na sa iyang killer moves sa dance floor.
Dili lamang siya usa ka maayong aktres, apan mapa-WOW ka sab niya sa pagsayaw.
Sa hamubong pakigtsikahan kaniya, gibutyag sa young actress nga may bag-o siyang project with ABS-CBN.
"Abangan niyo na lang po yung newest na gagawin ko, di pa kasi pwedeng sabihin," ni Ella.
Uwahing proyekto ni Ella ang seryeng Bagito diin gidalhan niya ang papel nga Vanessa Bueno. Ang maong serye gikonsidera sa aktres nga pinaka-mature sa iyang nahimo.
Nauna na niyang giangkon nga dili gyud siya komportable at first sa ilang bed scene sa bidang si Nash Aguas.
Apan luyo sa kakulba nga gibati, say ni Ella nga nahagit gyud siya sa role, gidawat niya kini tungod sa nindot nga character.
Una pa man ang Bagito, mibida na si Ella sa fantaseryeng Aryana, diin usa siya ka serena.
Ang proyekto miaswat kaniya sa popularidad ug mas mibaid pa sa iyang kahanas sa aktingan.
Apan sa sayong edad, napamatud-an na ni Ella ang iyang kamaayo sa iyang acting, kini human niya nakuha ang Best Child Actress Awards sa 56th Famas Awards sa movie nga Resiklo.
"Maraming salamat po sa lahat sa inyo na nagpunta, wag po sana kayong magsawa sa pagsuporta," ni Ella, nga very much overwhelmed sa init nga pagsugat kaniya sa mga fans dinhi sa rehiyon.
+++
Thanks big NCCC Department Store for the invite. Sa team ni Nimrod Napoles, Josh Abella, and Ms. Aileen Soriano, kodus for a succesful Araw ng Davao event!