Gin Kings dako og bunos

MALIPAYON ug sobra pa sa kuntento ang mga sakop sa Brgy. Ginebra Gin Kings sa nadawat nilang bunos sa ilang malampusong pagdepensa sa korona sa Philippine Basketball Association (PBA) Governor’s Cup.

Alang sa import nga si Justin Brownlee, makasarang na ang iyang nadawat sa tanan niyang gastuhan hangtod nga makabalik siya’g duwa sa Gin Kings, posible sa Commissioner’s Cup.

“Yeah, it’s good. It’s a big bonus. I don’t want to give a number, but it’s a good bonus,” matod sa 29 anyos nga import sa interbyu sa Spin.ph.

Gisuportahan ni Scottie Thompson ang komentaryo ni Brownlee apan wala sab kini mobutyag kon pila ang ilang nadawat nga bunos.

“Basta masaya kami lahat sa binigay na bonus,” matod ni Thompson.

Nidugang si Thompson nga ang iyang nadawat makapalit na og daghang franchise outlets sa iyang gipanag-iya nga Thompson’s Sports Hair Shop, nga nagsugod sa iyang yutang natawhan sa Digos City ug aduna na’y franchise sa Paranaque.

“Siguro tatlo, apat (na franchise), ganun,” matod ni Thomp­son.

Gibutyag sa insiders nga sa dihang naangkon sa Gin Kings ang Governor’s Cup title sa miaging tuig nga nagputol sa ilang walo ka mga tuig nga kahidlaw sa korona, ang tanang magduduwa sa team nakadawat og bunos nga kasiyam pik-on sa ilang tagsatagsa ka suweldo matag buwan.

Gilauman nga ning tuiga, mas dako ang nadawat sa mga mag­duduwa sa labing sikat nga basketball team sa nasod. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph