Lahi na karon

WAY gitakda nga pakigkukabildo uban kang Kim Chiu alang sa iyang pelikulang “The Ghost Bride” nga niabli sa mga sinehan sa tibuok nasud niadtong Miyerkules. Hinuon, niingon ang promo diva nga si Ms. Josie Pereyra nga dunay theater tour si Kim kagahapon.

Tungod kay dia pa ko sa lalawigan tungod sa kalagkalag ug sa akong proyekto, wa ko makasingit og kuyog sa Chinita Princess nga tingalig tawgon na sab og Horror Princess tungod niining iyang pelikula.

u25cf ● ●

Nibalibad usab ko sa imbitasyon sa Big Seed nga motan-aw sa koronasyon sa Binibining Cebu 2017 tungod sa laing lakaw nga diri gihapon sa akong lungsod nga natawhan sa Oslob.

Dihang gipahibawo na ang mga mananaug ako dayong gitan-aw ang akong listahan sa akong gituohan molusot. Tuod man didto ang Asturias (Samantha Ashley Lo, Bb. Cebu-Tourism), Badian (Apriel Smith, Bb. Cebu 2017), Bantayan (Maria Gigante, Bb. Cebu-Charity), Danao City (Kathleen Mae Lendio, 2nd runner-up) ug Minglanilla (Ingrid Elizabeth Gerodias, 1st runner-up).

Apil usab ang taga Carmen nga napiling Ms. Photogenic nga alang nako maoy labing nindot og nawong. Hinoon, di ko manghambog nga sila ray diha sa akong listahan kay sa akong ihap 11 sila ka buok.

Bisan ang chairperson sa mga hurado nga si Ms. Charo Santos-Concio niangkon nga naglisod silag pili kay pulos gwapa ang mga kandidata. Sa mga mananaug ug tigpasiugda, mga pahalipay!

u25cf ● ●

Sa una maghinamhinam kog uli sa lalawigan kon kalagkalag kay magkapundok man gyud ang barkada, kon di sa usa sa mga balay anha sa duol sa sementeryo nga dunay baligyang makaon ug mainom.

Lahi na gyud karon kay pila na lang ang akong nakitang kabarkada sa una ug wa na ang pundokpundok. Tingali tungod kay lahi na ang mga priority, nibalhin nag pinuy-anan o sa unsa kahang hinungdan.

u25cf ● ●

Laing kalihukan nga akong nabalibaran (sa susamang hinungdan) ang pakigkukabildo sa mga artista sa Kapuso Network nga apil sa Alyas Robin Hood (Dingdong Dantes ug Solenn Heussaff) ug My Korean Jagiya (Heart Evangelista-Escudero, Alexander Lee ug Edgar Allan Guzman).

Nisaad hinoon ko nga di na mopalta sa sunod higayon labinag mahuman na ang akong proyekto. Anà ra gyud!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph